لالة بثينة



 
الرئيسيةbawabaمكتبة الصورس .و .جبحـثالتسجيلدخول
المواضيع الأخيرة
»  liاللحم المقلي المغربي ب توابل قليلة جدا وطريقة بسيطة و مذاق جديد
الثلاثاء سبتمبر 19, 2017 1:39 am من طرف لالة بتينة

»  غريبة باللوز و الكركاع / حلوى ملوزة الكركاع المغربية الشهية بخطوات سهلة و ناجحة Ghriba Walnut
الجمعة أغسطس 25, 2017 4:25 am من طرف لالة بتينة

» السكر كلاصي سبيسيال (الممتاز) في البيت بأسهل طريقة ل تزيين الحلويات
الخميس أغسطس 24, 2017 2:15 pm من طرف لالة بتينة

» شربة بالعدس الأحمر و الخضر و الدجاج صحية ومقوية وغنية بالحديد /soupe lentille corail/chorba 3dess ahmar
الأربعاء أغسطس 23, 2017 4:51 am من طرف لالة بتينة

»  حصريا و لاول مرة الجديد و العجيب في حلويات اللوز حلوى السيمانة (أسبوع) روعة في التعليكة ؛المذاق والرائحة منعاودش ليكم تعالو اكتشفوها معي
الثلاثاء أغسطس 22, 2017 2:46 pm من طرف لالة بتينة

» بريوش مظفور قطني سهل وسريع Brioche tressée moelleuse à la mie filante
الإثنين أغسطس 21, 2017 4:34 am من طرف لالة بتينة

» غريبة معلكة ب البرتقال إقتصادية بكل أسرار نجاحها مع طريقة تحضير سكر سبيسيال في البيت halawiyat l3id
الأحد أغسطس 20, 2017 9:36 am من طرف لالة بتينة

» الموز المجفف
الأحد أغسطس 20, 2017 9:27 am من طرف لالة بتينة

» ارز مبخربالكبدة او قطع الدجاج
الأحد أغسطس 20, 2017 9:23 am من طرف لالة بتينة

» صدر الدجاج المشوي
الأحد أغسطس 20, 2017 9:22 am من طرف لالة بتينة


شاطر | .
 

 الحداكة و التاويل أصالة المراة المغربية الحرة تعالو نتعلموه جميع ياك حنا مغربيات حرات أولا هههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
معلومات العضو
miniyar

avatar

عضو ذهبى

عضو ذهبى
معلومات إضافية
كيف تعرفت علينا : جوجل
الجنس : ounta
المهن : tajir
الهواية : elkitaba
المزاج : mdwkha
الدولة : maroc
عدد المساهمات : 761
تاريخ التسجيل : 30/06/2012
معلومات الاتصال
مُساهمةموضوع: الحداكة و التاويل أصالة المراة المغربية الحرة تعالو نتعلموه جميع ياك حنا مغربيات حرات أولا هههه    الثلاثاء مايو 21, 2013 12:49 pm

باسم الله الرحمن الرحيم

شحال هادى وانا باغيا نزل هاد الموضوع
حيت ديما كنهضر عليه وبغيت الاخوات يستافدو منه بحال اللى استفدت منه انا وهادا مجاش غير هايدا لاء طبعا
انا تعلمت من عند ناس في المنتديات الله يجازيهوم كل خير على كل حاجة فادونا بيها
اولا انا كنت من النوع اللى كيف ماجات نمشي معاها
وهاد الطريقة كتعملى ارتباك بعض المرات حيت كنمشي بلا نظام
واحيانا كنضطر نرهق نفسي في بزاف ديال الامور والنتيجة مكتكونشي مرضية
بقيت كندور نقرا الحمدلله توصلت لطريقة خلتلى حياتى منظمة
وانا مرتاحة ومبقيتشي مرهقة او غير كنجرى
بعد هاد المقدمة انا كنهضر على نظام بشكل عام في امورنا المنزلية والحياة اليومية في المصروف
فى الخروج في السفر في الرحلات الويكاند اى حاجة وليت ماشيا بالورقة والقلم
ولله الحمد والمنة
قدرت نعمل بزاف حوايج كنت كنحلم بيهوم
وفنفس الوقت وصلت لواحد القناعة نفسية ومرتاحة في الشغل ديالى
المهم
كنتمنى التفاعل في الموضوع ونشاركو جميع اقتراحات واراء
ونخليو الموضوع غنى اكيد كاملين عندنا خطط وطرق التوفير والنظام
كنتمنى منبقاش نهضر غير بوحدى
المهم برنامجى هو كالتالى
نبدا ببرنامج اليومى
وعلى مر الاسبوع
نبداو على بركة الله

اولا كنشوف التوقيت اللى غادى يكفانى
اهم حاجة التوقيت والاستمرارية
عندى مثلا مسيح الغبرة والطواليت والزجاج والطياب
وكنشوف واش تكفانى 3ساعات كنعدل التليفون على ديك التوقيت ونتحرك نتوكل على الله
كنبدا وانا كنخدم وبحال اللى كتحس شي حد كيراقبك خسنى نسالى قبل الساعة
باش منبقاشي ملهية
والاستغفار اهم من هاد الشي كامل
دابا التوقيت دخلت فيه الرضاعة ديال ولدى والتبديل ديالو وشحال نبقى هزاه حتى يتجشأهههههههه
هادا برنامجى
ملى كنوض الصباح عندى ورقة معلقة في الثلاجة ديال الاكل
كنوض كنكون عارفة اش غادى نطيب للغدا والعشا والكوتى
اسبوعى كايبدا نهار الاتنين
عندى مسيح الغبرة والتجفاف ومسيح الزجاج الاكل
حيت الويكاند مكنعمل والو
الثلاتاء عندى الطياب والصابون والحديدة والاكل وتوابعه
الاربعاء مكنعمل والو من غير الاكل حيت كنرتاح فيه وكنعمل ماسكات لشعرى ولوجهى وعندى حمام مغربى على حقه وطريقه غير في الدار بلحاق ههههه

في العشية كنجبد من الكونجيلاتور الكوتى
الخميس دورة خفيفة على الدار وتسييقة جامدة
وكنطيب اكل السبت والكوتى معاه
الجمعة كنوض الصباح قبل مانمشي لدارنا
كنعمل العشا ونعمل اكل الاحد والكوتى ديالو في حالة مكانشي عندنا الخروج
والويكاند مكنعمل والو في الدار كتكون الدار مجموعة ونقية
والاكل واجد غير الى بغينا نخرجو اولا الى مخرجناش
راه كايبقا عندى كلشي في الدار
كنعمل الصابون وكنشروه والحديدة مكنعملهاشي عندى مرة في الاسبوع
حيت الوزير مكايببغيشى نعمل الشغل وهو في الدار


في حالة البرنامج داخل فيه الخروج كنحاول نقللو من الاكل برة غير نشربو قهوة او عصير حيت مبقيتشي بغيت ناكل في الزنقة ولاء كانت ولفت وبغيت نحيدليها ديك العادة
خليتها مرة في الشهر بعد ما كانت اسبوعية
هادا برنامج الاسبوعى واليومى هايدا كايدوز الحمدلله في الاول كنت نعكز ولكن دابا تعلمت
ومكنحسشي بالتعب حيت كل نهار معروف اش غادى نعمل
استغنيت على المراة اللى كتجى تعملى الشغل وبدات كتجى جوج مرات في الشهر على حسب التخمال الكبير
برنامج الاكل
قبل مايدخل الشهر باسبوع كنكون بديت نحظر اللائحة ديال الاكل الشهرى مثلا
الاثنين
1في الشهر انا كتبتهوم كيف عندى معلقين غير حروف بداية الاسبوع مع اشحال في الشهر

1l طاجين لحم بالخضر مع سلطة خيار+كيكة التفاح+سلطةفواكه للعشا
حيت اصلا كنتغداو معطلين الاكثرية مكنعملشي العشا

2.m عدس مع سمك مقلى مع سلطة خس وطماطم+رغيفات+ياغورت منزلى للعشا

3.me بيتزا دجاج مع سلطة كولسلو وعصير+شنيك+شربة للعشا

4.j قطبان سمك مع ارز وسلطة وعصير الفريز+بينيى +طورطية للعشا
5.v ساندويش كفتة مع عصير للعشا
6.s كراتان +كيك وحريشات صغار معمرين+حريرة للعشا
7.d
وهايدا كنمشي كل نهار واشنو غادى نطيب وكنقلب دايما على الجديدشي وصفة جديدة كندخلها في الليسطة
وكنمشي الشهر كله هايدا من واحد في الشهر حتى ل30او31
وملى كنمشيو نتقضاو كنتقضا على اساس اللى مكتوب في اللائحة
من غير السمك والخضر كنجيب احتياج 15يوم والسمك حتى هو
من غير السردين كنجيبو بحال اليوم باش نطيبو غدا
اما اللحم والدجاج كنجيب ديال الشهر وكنقسمو
كايكون عندى اشنو نعمل

كنعمل كل حاجة في طاسة ديالها وكنكتب في التيكت اشنو هادى ملى كنبغى نطيب اول حاجة نعملها كنوض الصباح نجبد اللى غادى نطيب هو الاول

وحيت راجلى كايجى معطل كنسبق الشغل الدار هو الاول
وكنعمل اللى عندى في البرنامج وعاد ندخل للكوزينة كنبدا ديما بالكوتى
ونعمل الغدا ونتبعو بالعشا
صافى باش نخرج من الكوزينة فدقة وحدة
كنسالى الاكثرية مكنفوتشي 2ديال النهار الى مكانشي عندى شي خرجة او مشوار في الصباح كنسالى بكرى على هايدا
كندخل نشلل جسمى ونبدل ونجلس في النت اولا كنخرج الوليدات
قبل كنت نمشي بزاف عند عجوزتى دابا وليت نعكز

كنحاول نقتاصد حتى قوة الخروج كايخاد الفلوس بزاف
كنحاول نعمل اكلات ديال برة في الدار
بحيت مايكونش حرمان وفنفس الوقت اسراف
الحمدلله وليت نعمل كاشير في الدار والصوصيص
والكنتاكى والشاورما
ساندويتشات اشكال وهمبركر
يعنى كلشي تقريبا
ههههههههههههههههههههههههه

ومرة مرة كنخرجو ناكلو برة من باب التغيير
ماشي دائما ولكن كنخليها مرة في الشهر والباقى كنحاول نعمل في الدار وناخدوه معانا لجردة او الغابة
منها كيلعبو لوليدات ومنها كنرتاحو شوية
كنا كنخرج كل اسبوع
ومن بعد وليت نشوف الفكرة ديال الخروج كل اسبوع مكلفة بزاف
حيت باش نديو لوليدات يلعبو خصنا نجلسو ونتعشاو
ونشربو سي حاجة ولينا نمشيو الالعاب اللى برة القهاوى والمطاعم
ومنها تفويجة في الهوا ومنها اقتصاد
هاد الشي اللى كاين في الكوزينة
نخرجو دابا منها
وعطيونى رايكم
ومن بعد نكملو
مكرهتشي الموضوع يكون شامل
واقتراحاتكم وخططكم حتى انتوما
نمرو للعناية بالجسم والنفس واهم حاجة النفس
لان هى كتعكس الحالة اللى انتى كتعيشها
ماشي بالضرورة نتهالا في راسي غير على حسب راجلى او باش يشوفنى في ابهة حلة لاء نعتنى براسي لشخصى انا
لان الى اهتمتى بنفسك على قبل شخص تانى باش يشوفك وهاد الشخص ماهتمشي بالحاجات اللى عملتى ليه او من اجله ومعلقشي على طريقة لبسك اومكايجك او اناقة انتى غادى تحس بالاحباط
والاحباط غادى يسببلك ملل وعدم اللامبالة وحالة اكتئاب واحنا على سبة وهاد الشي ماشي فصالحنا
اهتمى بنفسك لداتك ولرغباتك انت حيت بطبعنا احنا النسا كايعجبنا نشوفو راسنا زوينات راه حتى المورال كايتقاد والحالة النفسية كتكون مزيانة وكتنعكس على الناس اللى دايرين بك
غادى تحس براسك بانك نشيطة
وكتعطى وكتعمل اشياء زوينة فحياتك
احيانا كتجى حالات الله العالم بينا
انا مرات كتجينى واحد الكأبة منقدرشي نشوف راسي حتى في المراية
ولكن الحمدلله مرحلة كنتخطاها
كنقول اعوذبالله من الشيطان
علاش غادى نعمل هايدا الحمدلله عندى صحتى ولوليدات قدامى ههههه
ربى يخليهوملى وعندى راجلى الحمدلله الله يبارك فيه ممخصرليش الخاطر
كنرجاع نحيد من ديك الحالة ونستغفر الله
فحياتى ولله الحمد عمرى مخليت راجلى
يشوفنى مبهدلة ومشيت على واحد النظام من ايام المرحومة الله يرحمها ممنوع نبقاو بالبيجامات في الدار
غير نوض من النعاس نعمل الفطور اهم حاجة ونبدل عليا
عاد الى كاين شي حاجة تعمل
ديك الشي اللى ولفت بيجامة عندها ساعتها كنصلى المغرب ونلبس بيجامتى
وبنتى مشات على حسب هاد القاعدة
ومؤخرا اكتشفت انى غلطانة لازم مرة مرة مول الدار يشوف مراتو وهى كتشقا او مرونة حالتها
حيت نهار الخميس الفايت كنت فدارنا وكنت مع عمتى وزوجة ابى كنعملو الشغل على حسب ديك الصدقة
جا على غفلة ولقانى عاملة واحد الشدة لشعرى وحالتى حالة
قالى جيتى زوينة
هههههههه
والله قلت الله اعلم واقيلا ماشي نورمال قالى بصاح عمرى ماشفتك هايدا جيتى بحال النسا دبصاح
دابا 8سنين دخلنا فيها مع بغضنا وعاد بانتلو بحال النسا دبصاح
زعمة انا كنت دلكدوب
ايوا طولت واقيلا عليكم
المسامحة
هاد الشي اللى في الجعبة ديالى قلتلكم
نتمنى الى استافد شي حد من هاد الشي
يدعى معيا بصلاح الذرية والصحة

 
الرجوع الى أعلى الصفحة اذهب الى الأسفل
معلومات العضو
miniyar

avatar

عضو ذهبى

عضو ذهبى
معلومات إضافية
كيف تعرفت علينا : جوجل
الجنس : ounta
المهن : tajir
الهواية : elkitaba
المزاج : mdwkha
الدولة : maroc
عدد المساهمات : 761
تاريخ التسجيل : 30/06/2012
معلومات الاتصال
مُساهمةموضوع: رد: الحداكة و التاويل أصالة المراة المغربية الحرة تعالو نتعلموه جميع ياك حنا مغربيات حرات أولا هههه    الثلاثاء مايو 21, 2013 12:57 pm

باسم الله نبداو وببركة الرحمن نستمرو
اول حاجة الموضوع ديالنا اننا نحربو الملل والكسل ياكوووووووووو متافقين ا
اول حاجة بعدا واهم حاجة اننا نعودو راسنا نفيقو بكرى
نتافقو مع بعضنا على عمل يومى نعمله مع بعض فديورنا وهكدا مغادى نتعبوشي ومغاديشي نحسو بالملل

1 لازم نولفو راسنا اول مانسمعو الادان نحطو اى حاجة ونمشيو للصلاة هى الاول
تانى حاجة كل وحدة فينا على حسب ظروفها ممكن تبدل اوقات الشغل على حسب اوقات عمل زوجك او على حسب ظروف كل وحدة
المهم احنا نحاولو قدر الامكان انه الساعة اللى يكون فيها الزوج راجع من برة او في الدار حنا نكونو مساليين
احنا نحطو اقتراحات وكل وحدة فينا تعمل علىحساب ظروفها
المهم هو منتعبوش راسنا ومنعملوش الشغل كامل فدقة وحدة
بحال اللى قلنا نخليواه كل نهار حاجة باش تحس شوية بانك كتعمل حاجة مهمة وممتعة فنفس الوقت
اتفاقنا ههههههههه صافى نكملو باذن الله
اى اقتراح او راى حطوه وناقشوه
لي متافقة تسجل إسمها هنا باش نبداو برنامج يردنا ماليات الصواب و التاويل نستافدو من بعضنا ونشجعو بعضياتنا بش نردو ديورنا جنة ونكونو حنا حورياتها ولوليداتنا ملائكتها بادن الرحمن
 
الرجوع الى أعلى الصفحة اذهب الى الأسفل
معلومات العضو
lahlaliya2020



عضو جديد

عضو جديد
معلومات إضافية
كيف تعرفت علينا : غيره
الجنس : ounta
الهواية : inconnu
المزاج : 3adi
الدولة : inconnu
عدد المساهمات : 3
تاريخ التسجيل : 21/03/2013
معلومات الاتصال
مُساهمةموضوع: رد: الحداكة و التاويل أصالة المراة المغربية الحرة تعالو نتعلموه جميع ياك حنا مغربيات حرات أولا هههه    الثلاثاء يوليو 09, 2013 7:52 am

[size=24]


 بصراحة استفدت من موضوعك القيم شكرا لك . عندي لك واحد سؤال واش قائمة الطعام اللي كتوجدي كتعاوديها كل أسبوع لمدة شهر و اش الاطفال و زوجك ما يكملوش من نفس الوجبات كل أسبوع
[/size]
 
الرجوع الى أعلى الصفحة اذهب الى الأسفل
معلومات العضو
miniyar

avatar

عضو ذهبى

عضو ذهبى
معلومات إضافية
كيف تعرفت علينا : جوجل
الجنس : ounta
المهن : tajir
الهواية : elkitaba
المزاج : mdwkha
الدولة : maroc
عدد المساهمات : 761
تاريخ التسجيل : 30/06/2012
معلومات الاتصال
مُساهمةموضوع: رد: الحداكة و التاويل أصالة المراة المغربية الحرة تعالو نتعلموه جميع ياك حنا مغربيات حرات أولا هههه    الثلاثاء أكتوبر 08, 2013 8:18 am

 
الرجوع الى أعلى الصفحة اذهب الى الأسفل
 

الحداكة و التاويل أصالة المراة المغربية الحرة تعالو نتعلموه جميع ياك حنا مغربيات حرات أولا هههه

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

خدمات الموضوع
 KonuEtiketleri كلمات دليليه
الحداكة و التاويل أصالة المراة المغربية الحرة تعالو نتعلموه جميع ياك حنا مغربيات حرات أولا هههه , الحداكة و التاويل أصالة المراة المغربية الحرة تعالو نتعلموه جميع ياك حنا مغربيات حرات أولا هههه , الحداكة و التاويل أصالة المراة المغربية الحرة تعالو نتعلموه جميع ياك حنا مغربيات حرات أولا هههه ,الحداكة و التاويل أصالة المراة المغربية الحرة تعالو نتعلموه جميع ياك حنا مغربيات حرات أولا هههه ,الحداكة و التاويل أصالة المراة المغربية الحرة تعالو نتعلموه جميع ياك حنا مغربيات حرات أولا هههه , الحداكة و التاويل أصالة المراة المغربية الحرة تعالو نتعلموه جميع ياك حنا مغربيات حرات أولا هههه
 KonuLinki رابط الموضوع
 Konu BBCode BBCode
 KonuHTML Kodu HTMLcode
إذا وجدت وصلات لاتعمل في الموضوع او أن الموضوع [ الحداكة و التاويل أصالة المراة المغربية الحرة تعالو نتعلموه جميع ياك حنا مغربيات حرات أولا هههه ] مخالف ,, من فضلك راسل الإدارة من هنا
صلاحيات هذا المنتدى:لاتستطيع الرد على المواضيع في هذا المنتدى
لالة بثينة  :: منتدى فن العيش :: نصائح تجارب أفكار منزلية ناجحة-